La tenuta da la Svizra saja clera. Ins spetgia che l'UE renconuschia las bursas svizras, e quai sin il pli tard ils da schaner, uschia Cassis durant ina conferenza da medias suenter in inscunter cun ses collega d'uffizi franzos Jean-Yves Le Drian. Na capitia quai betg, na sclaudia el betg che la Svizra pudess anc ina giada reponderar sia decisiun da pajar ina ulteriura milliarda da coesiun a l'UE.
Jau hai exprimì mia malcuntentientscha davart il svilup en quest dossier.
Le Drian haja mussà chapientscha per la posiziun da la Svizra. Tar l'inscunter ha Cassis er exprimì l'irritaziun da la Svizra, ch'ins saja vegnì mess sin ina glista grischa da l'UE per oasas da taglia, e quai senza ch'ins saja vegnì infurmà ordavant.
RR novitads 18:00