Siglir tar il cuntegn

Header

cuntegn

Svizra Center d'asil è cas per il Tribunal federal

Ils abitants da Aeschiried en il chantun Berna sa dostan cunter ina dimora per requirents d'asil en lur center da vacanzas. Las reclamaziuns van uss al Tribunal federal.

L'avrigl passà aveva la Dretgira administrativa dal chantun Berna refusà il recurs da plirs abitants. Quels vulevan far valair ch'i dovria ina permissiun da construcziun per midar il center en ina dimora per requirents d'asil.

Recurs senz'argumentaziun

Las reclamaziuns dals abitants sajan en tuts reguards nunfundadas, uschia la sentenza da l’avrigl. Las prescripziuns da zonas na vegnian betg tangadas. Pia na datti negin consens tranter ils abitants ed il chantun. Perquai vegn il cas ussa surdà al Tribunal federal.

Dapi la fin 2014 serva il center da vacanzas ad Aeschiried sco dimora per radund 100 requirents d'asil.

RR novitads 12:00

Artitgels legids il pli savens