Siglir tar il cuntegn

Header

cuntegn

Centers per requirents d'asil Pastoraziun muslima duai cuntinuar

Il Secretariat da stadi per la migraziun SEM fa bilantscha positiva da la pastoraziun muslima en ils centers federals per requirents d’asil. Il project da pilot duai perquai cuntinuar enfin la fin da quest onn e silsuenter – sche pussaivel – vegnir introducì a lunga vista.

Basegn è grond

Sco quai ch'il secretariat ha fatg da savair a chaschun dad in'infurmaziun da medias tschertgian els actualmain ina pussaivladad per garantir la finanziaziun da la pastoraziun muslima a lunga vista. Il basegn per quella saja grond, citescha il secretariat in studi da l'universitad da Friburg ch'accumpogna il project da pilot. D'ina vart profiteschian las persunas che dumondian per asil gugent da l'offerta pastorala, da l'autra vart sajan las persunas che porschian l'assistenza spirituala grazia a lur cumpetenza religiusa, culturala e linguistica er impurtantas persunas da contact per las persunas che lavurian en ils centers per requirents d’asil. Savens possian ellas intermediar en dispitas, hai num en il studi.

L'onn passà han quatter umens ed ina dunna lavurà en la pastoraziun muslima.

Ord l'archiv

audio
Militar e pastoraziun d'armada
ord Vita e cretta dals 14.01.2018.
laschar ir. Durada: 5 minutas 9 Secundas.

RTR novitads 12:00

Artitgels legids il pli savens