Ins saja dentant sin buna via, hai gì num da l’UE a Brüssel. Sch’i tanschia gia per gievgia saja dentant intschert. Davent da lura duai il certificat europeic valair en tut ils pajais da l’UE. La Confederaziun sa stenta persuenter ch’il certificat svizzer vegn era renconuschì en quai rom. Da sia vart haja la Svizra gia signalisà a l’UE ch’ella vegni ad acceptar lur certificat da covid, ha Brüssel confirmà.
Decisiun en ils proxims dis
Avant che l’UE po dentant dar glisch verda per la participaziun da la Svizra al sistem da certificats europeic ston anc ils pajais commembers approvar la basa legala. Da vart da la cumissiun europeica sper’ins da pudair decider l’entschatta da l’auter mais.
audio
Per tadlar: curt e cumpact
ord RTR Audio dals 28.06.2021.
laschar ir. Durada: 1 minuta 5 Secundas.