Siglir tar il cuntegn

Header

cuntegn

Certificat da Covid BAG incumbensescha l'Uffizi federal d'informatica

L'Uffizi federal da sanadad lascha elavurar l'Uffizi federal d'informatica e telecommunicaziun il certificat da Covid per persunas vaccinadas, talas ch'han gia gì il virus e persunas cun in test negativ actual.

Il certificat duai star a disposiziun fin la fin da zercladur ha communitgà il BAG. Il motiv per l'elecziun dal Uffizi federal d'informatica saja tranter auter stà la segirtad dal sistem. Plinavant duai il code da funtauna (open source) esser publics.

Las federaziuns dals medis e dals apotechers duain er vegnir integradas en il project. Quellas avevan l'entschatta matg proponì ina schliaziun per ils certificats da corona.

Entras la decisiun dal BAG da surdar la realisaziun intern, surpiglia il Departament federal da finanzas la responsabladad per il certificat.

Dumber da cas sa reducescha vinavant

L’Uffizi federal da sanadad BAG ha annunzià il venderdi 1'546

infecziuns novas cun il coronavirus, aifer in di. La media dals ultims 7 dis è tar 1'537 cas, quai èn 21 pertschient damain ch’avant in’emna. En pli èn 4 ulteriuras persunas mortas pervia da Covid-19.

Il Grischun ha annunzià 51 novs cas da corona. En ospitals grischuns sa chattan actualmain 16 pazients da Covid-19 – il dumber è restà stabil.

RTR Novitads 12:00

Artitgels legids il pli savens