Il chantun Son Gagl ha annullà passa 8'000 certificats da Covid ch'eran vegnids tschentads ora illegalmain. Persunas ch'avevan lavurà en centers da test privats avevan gì access al sistem naziunal per far certificats. A millis persunas avevan els dà ora da quels e pretendì persuenter autas summas.
Uss investigheschan las autoritads pervi da falsificaziun da documents. Tgi che vegn sentenzià sto quintar cun fin a 5 onns praschun u in chasti da daners. Era las persunas ch'han cumprà ils certificats èn sa rendidas chastiablas. Era ellas ston quintar cun praschun u multa.
Engions cun certificats da Covid eran vegnids a la glisch l'ultima giada en ils chantuns Berna e Schaffusa.
audio
Per tadlar: Las novitads da las 14:00
ord RTR Audio dals 23.12.2021.
laschar ir. Durada: 3 minutas 15 Secundas.