Siglir tar il cuntegn
Inhalt

Svizra CF tar Parmelin: prendì enconuschientscha, anc betg posiziun

A sia sesida ha’l Cussegl federal prendì enconuschientscha da la decleraziun da Cusseglier federal Guy Parmelin tar l’affera davart sulom. Il catalog da dumondas da la cumissiun da gestiun dal parlament n’ha il Cussegl federal dentant anc betg respundì.

La sesida dal Cussegl federal, in sguard en la stanza da sesida.
Legenda: Prendì per enconuschientscha, dentant anc betg prendì posiziun - en la sesida ldal Cussegl federal è vegnida tematisada la declaraziun da Cusseglier federal Parmelin. Keystone

A sia proxima sesida vegnia il Cussegl federal a respunder las 6 dumondas da la cumissiun, ha ditg il pledader dal Cussegl federal André Simonazzi. Las dumondas pertutgan las reglas da s’abstegnair da la vusch pervi dad interess persunals.

La gasetta Blick aveva fatg public che Parmelin saja sa fatgs ferms per la midada da privilegis fiscals tar suloms agriculs el profitava persunal da la midada, uss ha el concedi ses engaschi sco fallà.

RR novitads 15:00