Tut en tut sajan passa trais milliuns francs vegnids investids en 39 projects. Percunter haja la Chadaina da Fortuna stritgà l'agid per cas singuls.
Agid per Bondo è stà exemplaric
Cunzunt ha la Chadaina da Fortuna era menziunà la gronda solidaritad cun il vitg da Bondo. Ins haja rimnà 5,9 milliuns per Bondo. Ultra da quai ha la fundaziun rimnà passa 19,1 milliuns francs cunter il fomaz en l'Africa e 4 milliuns per ils Rohingya en il Bangladesch.
Sfidas per l'onn 2018
La Chadaina da Fortuna quinta per l'onn 2018 onn cun pliras sfidas. L'emprima saja l'iniziativa No Billag. Sco i stat en la bilantscha da l'onn periclitass in gea a l'iniziativa che vul abolir las taxas da radio e televisiun la collavuraziun cun la SRG ed uschia era l'avegnir da la Chadaina da Fortuna.
RR novitads 09:00