Cun ils daners sustegna ella las ovras d'agid partenarias che gida a la populaziun civila al lieu. Quella patescha surtut da mancanza da provediment medicinal e mangiativas.
La Chadaina da Fortuna ha mess gia avant il di da solidaritad a disposiziun in milliun francs per agid d'urgenza a las unfrendas da la guerra en il Jemen. En il pajais arab regia dapi quatter onns ina guerra civila. La situaziun umanitara saja fitg precara, scriva l’organisaziun d’agid.
Organisaziuns partenarias gidan gia
Cunquai che be anc la mesadad dals ospitals èn en funcziun, tgiran las organisaziuns partenarias blessads en centers da sanadad u en tendas en la vischinanza dals territoris da conflict. Uschia èsi pussaivel da gidar pli svelt. Las organisaziuns gidan er a dunnas en speranza ed a var 1,8 milliuns uffants che pateschan dad alimentaziun manglusa.
Far donaziuns
Tenor l’autcumissariat da las Naziuns Unidas per ils fugitivs UNHCR èn bunamain quatter milliuns persunas en fugia. Radund 24 milliuns umans dovrian agid umanitar. Donaziuns per il Jemen pon vegnir fatgas online u via conto da posta.
Gidar
- Sur il conto postal 10-15000-6 (remartga «Jemen»). Formulars da pajament datti sin posta.
- Ubain cun pajament direct online.
- Durant il di da donaziuns èsi pussaivel d'annunziar donaziuns sin il numer da telefon 0800 87 07 07.
Voluntarias e voluntaris han prendì encunter durant tut il di donaziuns en las unitads d’interpresa da la SRG SSR a Turitg, Cuira, Lugano e Genevra. Ina da las centralas da la collecta da telefon è endrizzada tar RTR a Cuira.
-
audioChadaina da fortuna: Claudia Cahtomen04:57 min, ord Actualitad dals 28.03.2019.laschar ir. Durada: 4 minutas 57 Secundas. -
audioChadaina da fortuna: Marcus Caduff - cusseglier guvernativ03:32 min, ord Actualitad dals 28.03.2019.laschar ir. Durada: 3 minutas 32 Secundas. -
audioBunura – Peter Peyer Cusseglier guvernativ03:46 min, ord Actualitad dals 28.03.2019.laschar ir. Durada: 3 minutas 46 Secundas. -
audioChadaina da Fortuna: Vincent Augustin02:05 min, ord Actualitad dals 28.03.2019.laschar ir. Durada: 2 minutas 5 Secundas. -
audioSaira: Beatrice Baselgia – Deputada Cussegl grond03:09 min, ord Actualitad dals 28.03.2019.laschar ir. Durada: 3 minutas 9 Secundas.
Organisaziun che rimna las donaziuns
RR novitads 06:00+
