Siglir tar il cuntegn

Header

cuntegn

Chadaina da fortuna Passa 43,5 milliuns per persunas basegnusas

Dapi l’entschatta da la pandemia da corona han Svizras e Svizzers regalà passa 43 milliuns francs a la Chadaina da Fortuna per sustegnair persunas basegnusas. Cun quests daners hajan els tranter auter cumprà mangiativas – ha communitgà l’organisaziun. Cunzunt il mars 2020, cura che l’acziun da collecta saja vegnida lantschada, saja la solidaritad stada fitg gronda. En tut hajan radund 1,7 milliuns umans en Svizra pudì profitar da l’agid.

Agid per fitg differentas persunas

Las Scolas autas spezialisadas da la Svizra dal Nordvest (FHNW) e per lavur sociala e sanadad da Losanna han analisà tgi ch'ha tut survegnì agid. Il studi mussa che la cumpart da persunas che lavuran, dad umens, persunas minorenas e persunas cun in impediment haja prendì tiers. Las bleras persunas hajan survegnì agid senza fadia. Excepziuns haja dà tar persunas che na vegnevan avnat il lockdown betg sustegnidas d'ina instituziun ubaina n'avevan betg il dretg da survegnir agid dal maun public. En tut ha l'acziun da solidaritad da la Chadaina da fortuna gidà 1,7 milliuns persunas cun 209 projects.

audio
Per tadlar – curt e cumpact
aus RTR Audio vom 15.11.2021.
abspielen. Laufzeit 1 minuta 16 Sekunden.

RTR novitads 11:00

Artitgels legids il pli savens

Scrollar a sanestra Scrollar a dretga