La Chadaina da Fortuna ha rimnà fin uss 5,3 milliuns francs per las unfrendas da las auas grondas da l’onn passà en il Pakistan. Cun questas donaziuns haja ella tranter auter finanzià nov projects ch’hajan gidà a 415'000 persunas. Quai ha communitgà la Chadaina da Fortuna.
Distribuì var 70% da las donaziuns
Ella haja distribuì en tut 3,7 milliuns francs ad organisaziuns associadas, sco per exempel Helvetas u Save the Children. Quellas hajan grazia a las structuras existentas pudì finanziar l’agid d’urgenza sco er ils projects da reconstrucziun. La stad passada èn passa 1’700 persunas mortas da malauras en il Pakistan. Otg milliuns hajan stuì bandunar lur dachasa. Totalmain hajan 30 milliuns persunas duvrà agid.
