Il focus ha la fundaziun mess sin ils uffants en miseria. Ins haja sustegnì 400 uffants e giuvenils en Svizra tar lur integraziun sociala e professiunala, hai num en la communicaziun.
Sustegn per 238 projects d'agid
Tut en tut ha la Chadaina da Fortuna sustegnì l’onn passà 238 projects d’agid. A l’exteriur èsi tranter auter ì per il cumbat encunter la lavur d’uffants en minieras da Burkina Faso e la tgira d’uffants sutnutrids en l’Afganistan.
Ultra da quai ha la fundaziun organisà dus dis da collecta a favur dals Rohingya en il Bangladesch e da las unfrendas dal tsunami en l’Indonesia.
RR novitads 10:00