La Chadaina da Fortuna ha rimnà il 2023 passa 54 milliuns francs. Cun bunamain 70 milliuns francs ha ella sustegnì 344 projects d'ovras d'agid. Sco quai ch'ella ha communitgà venderdi, è quai la pli auta contribuziun da sustegn dapi il tsunami en il sidost da l'Asia il 2005.
Suenter ils terratrembels en la Tirchia ed en la Siria ha la Chadaina da Fortuna survegnì passa 32 milliuns francs donaziuns. Vinavant valeva la solidaritad da la populaziun per las unfrendas dal terratrembel en il Maroc e l'Afghanistan e la catastrofa umanitara en il Proxim Orient. Vitiers èn vegnidas la guerra en l'Ucraina sco era l'emna da solidaritad dal december per la furmaziun e la scolaziun en Svizra e sin l'entir mund. La gronda part da l'agid è ida en l'Ucraina, en la Tirchia ed en la Siria, en l'Africa da l'Ost ed en Svizra.
Or da l'archiv: l'emna da solidaritad per la furmaziun
