Siglir tar il cuntegn

Header

cuntegn

Svizra Chadaina da Fortuna sustegna 148 projects cun 45 milliuns francs

L'onn passà ha la Chadaina da Fortuna finanzià agid en Svizra ed en l'exteriur per 45’470’428 francs. En total ha l'organisaziun caritativa sustegnì 148 projects. Quai resulta dal rapport annual da l'ovra umanitara.

En Svizra èn vegnids sustegnids 22 projects per giuvenils e famiglias en difficultads finanzialas. L'agid en Svizra munta a 7% u 3,3 milliuns francs.

42,1 milliuns francs ha la Chadaina da Fortuna dà ora per projects en l'exteriur, en spezial per unfrendas da catastrofas natiralas, sco il terratrembel en il Nepal u las malauras en las Filippinas ed il Haiti.

Il 2016 ha l’ovra d’agid survegnì donaziuns da 17,9 milliuns francs. Quellas èn vegnidas rimnadas en favur da las unfrendas dal hurican «Matthew» en il Haiti e per las unfrendas da la sitgira en l’Africa da l’Ost.

Il cussegl da fundaziun ha er approvà la nova strategia da la Chadaina da Fortuna. Questa strategia prevesa dad esser pli datiers dals pertutgads d'ina catastrofa, ma er dals donaturs e da las ovras d'agid partenarias.

RR novitads 06:00

Artitgels legids il pli savens