Siglir tar il cuntegn

Header

Las lavurs da reparatura han chaschunà lungas colonnas sin l'A1.
Legenda: Las lavurs da reparatura han chaschunà lungas colonnas sin l'A1. Keystone
cuntegn

Svizra Chalira lascha schluppar autostrada

En la regiun da Son Gagl, a St. Margrethen, ha il catram da l'autostrada patì fermamain la sonda pervi da la gronda chalira.

Sin l'A1 tranter Rheineck e Sankt Margrethen è il catram per part sa scuflà vers saira, communitgescha la polizia chantunala. Il traffic saja perquai per part vegnì manà sin il vial da panna, quai ch'ha chaschunà colonnas da plirs kilometers.

La polizia chantunala da Son Gagl saja en il lieu, ha confermà il pledader envers SRF. Il sulegl ha chaschunà donns vid il catram. Gia avant dus dis sajan stads da vesair sfendaglias e la spertadad saja vegnida reducida. I vegnia examinà da serrar per temp la via.

En plirs lieus en Svizra ha l'unda da chalira procurà ier per las pli autas temperaturas da l'onn. Il pli chaud èsi tenor SRF Meteo stà a Genevra cun 37,1 grads.

RR novitads 06:00

Artitgels legids il pli savens

Scrollar a sanestra Scrollar a dretga