En il champ da truppas Glaubenberg duain fin 240 requirents d’asil vegnir mess sut tetg. Il Departament federal da defensiun, protecziun da la populaziun e sport ha orientà il cussegl da vischnanca da Sarnen ed il chantun da Sursilvania sur dals plans per il chantunament. Tant la vischnanca sco il chantun vulan nizzegiar la pussaivladad da prender posiziun.
Trair a niz infrastructura
Il chantunament duaja a medem temp vegnir duvrà dal militar. Per quai vegnia el partì en duas parts. Era terzas persunas pon vinavant far diever dal stabiliment, per exempel per champs da sport da naiv.
Basa giuridica
La basa per il diever dal champ da truppas durant trais onns èn prescripziuns dal dretg d’asil. Il zercladur 2013 aveva il pievel approvà quellas prescripziuns tar ina votaziun. Entras quai ha la Confederaziun la pussaivladad d’endrizzar tals centers da partenza senza approvaziun da la vischnanca da staziunament.
RR novitads 9:00