Il chantadur da la Svizra franzosa Patrick Juvet è mort en la vegliadetgna da 70 onns. Quai ha confermà ses management envers l’agentura da novitads AFP. El saja vegnì chattà mort en in’abitaziun a Barcelona. La raschun da la mort na saja anc betg enconuschenta.
Juvet è naschì il 1950 a Montreux. El ha represchentà la Svizra al Eurovision Song–Contest dal 1973. Là ha el chantà la chanzun «Je vais me marier Marie». Hits ils pli enconuschents dad el è stads il disco-hit «I Love America» u la chanzun «Where Are the Women», per franzos «Où sont les femmes».
audio
Per tadlar: las novitads da las 09:00
ord RTR Audio dals 02.04.2021.
Maletg: RTR
laschar ir. Durada: 3 minutas 13 Secundas.