Siglir tar il cuntegn

Header

Demonstraziun davant Chasa federala.
Legenda: En il chantun Berna pon actualmain tenor l'ordinaziun da Covid be 15 persunas participar a demonstraziuns. (Maletg simbolic) Keystone
cuntegn

Chantun Berna Recurs cunter restricziun da dumber da persunas a demonstraziuns

En il chantun Berna han partidas verdas e da sanestra ed organisaziuns per dretgs fundamentals inoltrà in recurs tar il Tribunal federal cunter la restricziun da 15 persunas a demonstraziuns. Il chantun Berna ha fixà quest dumber en sia ordinaziun da Covid. El va uschia pli lunsch ch’il Cussegl federal.

Tenor ils recurrents cuntrafa la restricziun da Berna als dretgs fundamentals da la libertad d’opiniun e reuniun. Ina limitaziun dal dumber da persunas a demonstraziuns na saja ni commensurada ni en l'interess public. Ed er la sanadad na saja betg periclitada tar demonstraziuns cun obligatori da mascras.

L’entschatta d’avrigl avevan gia partidas e organisaziuns da sanestra en il chantun Turitg fatg recurs cunter la restricziun da 15 persunas a demonstraziuns.

Ord l'archiv da Radio SRF:

audio
Duai il dumber da persunas a demonstraziuns esser limità?
05:08 min, Regionaljournal Basel Baselland dals 23.03.2021.
laschar ir. Durada: 05:08 minutas.

RTR novitads 12:00

Artitgels legids il pli savens

Scrollar a sanestra Scrollar a dretga