En il Giura chantun ston 50 magisters e magistras e 360 scolars e scolaras da las duas scolas secundaras en las vischnancas Breuleux ed Haute-Sorne ir en quarantina per 10 dis. Sco il chantun ha communitgà, hajan ins prendì questa mesira suenter ch'ins haja chattà ulteriurs cas da corona. Omaduas scolas avevan stuì serrar l'emna passada, suenter che trais magisters ed in scolar eran vegnids testads positiv.
Il chantun appellescha entant a la populaziun dad esser precauta. Il svilup saja alarmant. Entaifer in'emna haja dà 30 novas infecziuns. Il Giura è sper il Vad er in dals unics chantuns en Svizra, nua ch'i vala in obligatori da purtar mascrinas en butias.