Siglir tar il cuntegn

Header

Urna da votaziu e maun che bitta en cedels.
Legenda: Il chantun Neuchâtel na sbassa betg la vegliadetgna da votar sin 16 onns. Keystone
cuntegn

Chantun Neuchâtel Nagin dretg da votar a partir da 16

En il chantun Neuchâtel dastgan giuvenils sut 18 onns er vinavant betg sa participar a votaziuns ed elecziuns. Ils votants e las votantas dal chantun da la Svizra franzosa han refusà cun stgars 59% ina iniziativa che vuleva sbassar la vegliadetgna da votar sin 16 onns sin champ communal e chantunal.

Cuntrari a las ulteriuras vischnancas, ha la citad da Neuchâtel approvà l'iniziativa cun ina cumpart da 50,85% da las vuschs. Sa participads a la votaziun èn passa 35% da las persunas cun dretg da vuschar en il chantun.

Ils minorens e las minorenas n'avessan tenor l'iniziativa dentant betg survegnì automaticamain il dretg da vuschar. Els avessan stuì dumandar quel tar lur vischnanca. Il dretg da vegnir elegì avessan ils giuvenils er cun l'iniziativa cuntanschì pir cun 18 onns

Be en Glaruna datti il dretg da votar a partir da 16

Il chantun Glaruna resta uschia er vinavant l'unic chantun cun in dretg da votar a partir da 16 onns. Quest dretg per votaziuns communalas e chantunalas ha il Glaruna introducì gia il 2007.

Ord l'archiv da SRF:

RTR novitads 15:00

Artitgels legids il pli savens

Scrollar a sanestra Scrollar a dretga