Il suveran da Soloturn ha elegì dumengia Sandra Kolly-Altermatt da la PCD e Peter Hodel da la PLD èn la regenza. La PPS n’ha giu nagina schanza. Ensemen cun Birgit Wyss dals Verds e Susanne Schaffner da la PS han las dunnas uss ina maioritad en la regenza. Il chantun Soloturn è vegnì dominà ils davos 165 onns dad umens.
Il Soloturn è il quart chantun cun ina maioritad feminina. Ils auters èn ils chantuns Vad, Turgovia e Turitg.