En il chantun Tessin na survegnan cussegliers guvernativs che han abditgà u che n'èn betg pli reelegids nagina pensiun per vita duranta pli. Tessinaisas e Tessinais han approvà cun 52% ina midada da lescha. Quella prevesa ch'in commember da la regenza che sa retira u na vegn betg pli reelegì avant la vegliadetgna da 55 onns survegn ina indemnisaziun da partenza. Commembers sur 55 onns survegnan fin la pensiun in pajament transitoric.
Ultra da quai vegnan las contribuziuns a la cassa da pensiun dals cussegliers guvernativs pajads da nov en la cassa da pensiun dal chantun. Actualmain survegnan las cusseglieras ed ils cussegliers guvernativs lur pensiun directamain dal chantun e quai per vita duranta, cur ch'els sa retiran respectiv na vegnivan betg pli reelegids.