Avant las medias ha Fehr argumentà ses pass cun adina dapli tensiuns tranter el e la direcziun da la partida turitgaisa. El sentia adina pli fitg las tensiuns cun la direcziun da la partida – quella saja tenor el adina pli ideologica e sanestra.
Mario Fehr resta cusseglier guvernativ almain fin il 2023, cura che la perioda d'uffizi actuala finescha.
Fehr – in politicher dispitaivel
Fehr è dapi onns manader da la direcziun da polizia dal chantun. Il 2015 era vegnì enconuschent che la polizia dal chantun Turitg aveva senza ina basa legala cumprà tecnologia da surveglianza. Ils Giuvens socialists avevan sinaquai purtà plant cunter Fehr, sco manader da la direcziun da polizia. Silsuenter aveva el sistì per intgins mais la commembranza tar la partida.
L'october 2020 ha in cas, nua che dus asilants èn crudads or dad ina fanestra, e la communicaziun da la direcziun da Fehr latiers, procurà persuenter che la partida chantunala da la PS è sa distanziada da Fehr. Sustegn ha el tranter auter survegnì da lez temp dal president da la PPS dal chantun.
Dal schurnal regiunal da Turitg Schaffusa:
