En il chantun Uri dastgan vinavant be persunas sur 18 onns votar ed eleger. Il suveran ha refusà cleramain il dretg da votar gia cun 16 onns. Igl è gia stà il segund Na a l'urna, suenter ch'ils Giuvens Socialists avevan inoltrà il 2009 in'iniziativa.
La populaziun dal chantun sa metta cunter la proposta da la regenza e dal parlament da l'Uri, ch'aveva proponì da reducir la vegliadetgna. Sulet la PPS era s'exprimida cunter.
Cunquai resta il chantun Glaruna vinavant il sulet chantun en Svizra, nua che persunas dastgan vuschar gia cun 16 onns.