Pervi dal coronavirus na dastgan persunas sur 65 onns en il chantun Uri betg pli ir sez a cumprar en. Quai ha decis il stab directiv chantunal. A partir da questa saira a las 6 dastgan persunas sur 65 onns be anc bandunar lur chasas u abitaziuns – sch’ellas ston ir tar il medi u sch’intgin or dal pli stretg ravugl da la famiglia vegn sepulì.
Cumpras ed autras cumissiuns urgentas ston confamigliars, vischins u voluntaris surpigliar. Spassegiadas persul u en dus èn lubidas durant maximalmain duas uras al di.