Siglir tar il cuntegn

Header

cuntegn

Chantun Vad Procura publica ha percurrì abitaziuns d'activists per il clima

En il chantun Vad ha la Procura publica percurrì abitaziuns d'activistas ed activists dal clima. Els hajan fatg quai perquai che quels avevan appellà da violar obligaziuns da far servetsch militar. La procura publica ha confermà in artitgel da gasettas da Tamedia.

Las perquisiziuns sajan stadas avant in'emna en il rom d'ina procedura penala currenta. Ellas sajan vegnidas sustegnidas da la Polizia federala e da la Polizia chantunala dal Vad.

La chauma dal clima ha condemnà quest'acziun vehementamain. Tenor l'organisaziun na saja l'agir da la procura publica betg commensurà a la situaziun.

audio
Per tadlar: las novitads da las 12:00
05:04 min, RTR Audio dals 02.06.2021.
laschar ir. Durada: 05:04 minutas.

RTR novitads 11:00

Artitgels legids il pli savens

Scrollar a sanestra Scrollar a dretga