Quai ha ditg la cussegliera guvernativa Jacqueline de Quattro durant ina debatta dal parlament chantunal. I na saja dentant nagin moratori, ha communitgà la regenza pli tard. Els vulessan dentant examinar quella pussaivladad.
Cun spetgar giu reagescha la regenza uschia sin ina dumonda dals Verds che pretenda da spetgar giu almain fin la stad. Sin lura vegn spetgà in rapport davart la tecnologia 5G da l'Uffizi federal d'ambient. Quel duess tranter auter dar scleriment davart la radiaziun da 5G.
La sanadad da la populaziun saja almain uschè impurtanta sco la digitalisaziun ha ditg de Quattro.
RR novitads 15:00
