Siglir tar il cuntegn

Header

Navigaziun

Purtret dad in tgirunz cun ina dunna pli veglia en sutga da rodas.
Legenda: Las taxas en chasas da tgira varieschan fitg ferm da chantun a chantun. Keystone
cuntegn

Svizra Chantuns duain controllar meglier taxas da chasas d'attempads

Ils chantuns duain controllar meglier las taxas da chasas d'attempads e da tgira. Quai pretenda il survegliader dals pretschs, Stefan Meierhans suenter avair cumpareglià las taxas. Las medias da las taxas da dimora sa differenzieschian fitg tut tenor chantun.

Il survegliader pretschs Stefan Meierhans ha dubis che tut las chasas dovrian ils medems criteris per calcular ils custs. Vitiers suppona el ch'instituziuns publicas subvenziuneschian la tgira deficitara cun gudogns da las taxas da dimora.

Differenzas da fin 87%

In'examinaziun tar 1'417 chasas da tgira ed attempads ha mussà che las differenzas da la media chantunala muntan a fin 100 francs a di u 87%. Registrà han ins 91% da tuttas instituziuns correspundentas.

Exempel – Media da custs da taxa dals chantuns

Ils chars

Genevra: CHF 227,40 a di
Basilea-Champagna: CHF 204,83
Turitg: CHF 203,90
Basilea-Citad: CHF 198,08

Ils bunmartgads

Vallais: CHF 121,60 a di
Glaruna: CHF 124,97
Uri: CHF 133,25
Omadus Appenzell: CHF 140,70 resp. CHF 140,87

La media grischuna è tar CHF 162,00

Metoda unifurmada vegn cussegliada

Il survegliader da pretschs cusseglia perquai d'introducir en l'entira Svizra ina metoda unifurmada per relevar ils custs. Quai munta ina suletta preschentaziun da la contabilitad che vala naziunal. Per pudair reparter correct ils custs sin ils singuls posts sco tgira, assistenza e hotellaria stoppian ins plinavant perscriver ina analisa da lavur periodica e specifica.

RR novitads 10:00