Ina da las cundiziuns è la pussaivladad da pudair diriger il provediment. Actualmain pajan ils chantuns almain 55% dals custs da tractaments staziunars. Il rest surpiglian las cassas da malsauns. Quai vul la cumissiun da sanadad dal cussegl naziunal midar. Ella pretenda da reparter rut las prestaziuns sin cassas e chantuns.
Da principi duain las cassas da malsauns pajar tut las prestaziuns da sanadad – tant las ambulantas sco er las staziunaras, uschia la proposta. Ils chantuns surpigliassan almain 25,5% dals custs restants, suenter che la franschisa e la quota persunala èn tratgas giu.
Las pretensiuns
La radunanza plenara tschenta dentant la pretensiun dad er avair in pled en chapitel. Ils chantuns vulan avair la pussaivladad da diriger il provediment da prestaziun da sanadad ambulantas. Pia tuttina sco quai ch'igl è gia il cas tar il provediment da prestaziuns da sanadad staziunaras. Plinavant duain las prestaziuns da las chasas da tgira e da la Spitex vegnir integradas en il nov model da finanziaziun.
RR novitads 17:00