La revisiun da la lescha da l'assicuranza da malsauns ch'il Cussegl federal ha decidì duai remplazzar il stop da permissiun per medis spezialisads che vala fin la mesadad dal 2016. Ils chantuns sajan cumpetents per il provediment da sanadad e possian stimar il meglier ils basegns, scriva il Cussegl federal.
Perquai vul el era dar la pussaivladad als chantuns da direger sez la purschida ambulanta. En in emprim sboz aveva la regenza federala proponì ch'ella sezza possia intervegnir sch'ils custs en in chantun s'augmentan surproporziunadamain. Sin fundament da la critica en la consultaziun ha il Cussegl federal laschà crudar quai.
Per il Grischun na mida betg bler
Il cusseglier guvernativ Christian Rathgeb ha prendì enconuschientscha da la revisiun. Sco quai ch'el ha ditg n'haja il chantun gia en il temp passà betg fatg grondamain diever da quai cunquai ch'il basegn n'era betg avant maun.
RR novitads 16:00