Siglir tar il cuntegn

Header

cuntegn

Svizra Chantuns duain survegnir 21,2% da la taglia federala directa

Bun in onn suenter che la refurma da l’imposiziun da taglia sin interpresas III è vegnida refusada, ha il Cussegl federal uss preschentà il project da taglia 17. Perquai ch’ils privilegis da taglia per las interpresas scadan il 2019 è il Cussegl federal sut squitsch.

En quai project da taglia 17 ha il Cussegl federal uss era resguardà pliras propostas dals victurs da las votaziuns per l'imposiziun da taglia sin interpresas III. Uschia propona la regenza federala d’introducir la boxa da patentas en mintga chantun. Quai cun l'effect che las interpresas che han patentas, marcas ni licenzas ston pajar pli pauca taglia sin ils gudogns per quels.

Vinavant duaian era las famiglias vegnir levgiadas fiscalmain per 400 milliuns francs ad onn, ha il cusseglier federala Ueli Maurer detg a la conferenza da medias. Per ch’ils chantuns sustegnian il project da taglia 17 vegn la cumpart dals chantuns vid las entradas da la taglia federala directa auzads da 17% sin 21,2%, quai che purtass lura als chantuns radund 990 milliuns francs dapli.

Partidas anc betg cuntentas

Per las partidas e las organisaziuns è il project da taglia 17 anc betg madir, uschia vegn crititgà che quai dettia memia paucas midadas en cumparegliaziun cun la refurma da taglia da l’imposiziun da taglia sin interpresas III. Per la PS na dettia quai strusch meglieraziuns, la PPS disturba surtut l’auzament da las contribuziuns d’uffants. Era la PLD e la PCD crititgeschan il project da taglia 17.

RR novitads 17:00

Artitgels legids il pli savens