Svizra - Chantuns pajan 500 milliuns francs en il fondo FABI
Ussa èsi cler, quant che mintga chantun ha da pajar per il fond da l'infrastructura da la viafier (FABI). Il Cussegl federal ha fixà las contribuziuns chantunalas sin fundament d'ina clav da repartiziun.
En total pajan ils chantuns ina mesa milliarda francs. Il pli bler paja il chantun Turitg cun 116 milliuns francs, il pli pauc pajan ils chantuns Uri ed Appenzell Dadens cun bun 1,2 milliuns francs. L'ordinaziun va en vigur l'entschatta dal 2016.
Il favrer 2014 aveva il suveran svizzer approvà la finanziaziun da l'infrastructura cun 62% da las vuschs.
