Siglir tar il cuntegn

Svizra Chantuns sustegnan strategia d'energia

Cun retschas serradas sustegnan ils chantuns la strategia d'energia 2050. La Conferenza dals directurs chantunals d’energia sustegnan la strategia d’energia, di Mario Cavigelli, ch’è president dals directurs chantunals d'energia

Turbinas da vend sin il Pass dal Nufenen.
Legenda: Turbinas da vend sin il Pass dal Nufenen. Keystone
Mario Cavigelli.
Legenda: Mario Cavigelli orientescha davart l'unitad (maletg d'archiv). RTR

Il gea a la fatschenta che vegn ils 21 da matg 2017 a l'urna haja la Conferenza dals directurs chantunals d'energia decidì venderdi passà. Quai ha cusseglier guvernativ Mario Cavigelli, ch'è president dals directurs chantunals d'energia, ditg a la gasetta «Ostschweiz am Sonntag». Sulettamain dus chantuns èn s'abstenids da la vusch. Tenor Cavigelli è l'entir pachet meglier total ch'il dretg vertent.

Gist è ina sortida pass a pass da l'energia nucleara
Autur: Mario CavigelliPresident dals directurs chantunals d'energia

La votaziun dals 21 da matg è necessaria perquai che la Partida populara ha fatg il referendum cunter la strategia d'energia 2050. Punct central è la reducziun dal consum d'energia per 43% fin l'onn 2035, ina sortida da l'energia atomara e la promoziun d'energias regenerablas.

RR novitads 14:00