L'autezza dal Mont Blanc è sa diminuì per 2,22 meters ils davos 2 onns. Ils glaziologs e las glaziologas dal departament Haute-Savoie han ditg che quai possia esser pervia da la pauca naiv e las autas temperaturas. En il futur possia il piz dentant era puspè vegnir pli auts.
Senza sia chapitscha da glatsch e naiv fiss il Mont Blanc 4'792 meters auts, uss tar la davosa mesiraziun 4805,92 meters. La chapitscha da glatsch e naiv saja l'entir temp en moviment, creschia e midia sia posiziun, dian ils glaziologs e las glaziologas. Dapi il 2001 vegn l'autezza dal piz mesirà mintga dus onns.