Tut en tut è l'index naziunal dals pretschs da consum creschì il matg per 0,3% – cumpareglià cun il mais avant. Cumpareglià cun il matg dal 2018 munta la chareschia a 0,6%. Quai mussan las novas cifras da l'Uffizi federal da statistica. Dapi il december 2015 è il nivel da pretschs creschì en Svizra per 2,7 puncts procentuals.
Raschuns per l'augment dals pretschs dal matg da quest onn èn surtut pretschs pli auts per benzin sco er per viadis pauschals en l'exteriur. Ils pretschs per pernottaziuns en hotels sco er per cudeschs èn dentant sa sbassads. Tut en tut correspunda l'inflaziun da l'ultim temp a las spetgas dad experts.
RR novitads 10:00