Siglir tar il cuntegn
Inhalt

Svizra Chareschia: viadis pauschals, vestgadira ed ieli pli chars

L'avrigl è l'index dals pretschs da consuments creschì per 0,3% en cumparegliaziun cun il mars. Quai communitgescha l'Uffizi federal da statistica.

buorsa cun daners
Legenda: En cumparegliaziun cun il mars èn ils pretschs da consuments creschids per 0,3%. Keystone

Il motiv sajan plirs facturs, uschia sajan ils pretschs per vestgadira sa stabilisads sin il livel regular, ma er per products da petroli hajan ils consuments stuì pajar dapli che anc avant in mais, scriva l’uffizi da statistica. Creschids marcantamain èn ils pretschs per viadis pauschals en l'exteriur (+5,3% en cumparegliaziun cun il mars). Sa sminuids èn ils pretschs per autos novs e per alloschis en l’hotel.

Malgrà ch'ils pretschs da consuments èn creschids en cumparegliaziun cun il mars, è la chareschia per 0,4% sut il livel da l'onn avant.

RR novitads 10:00