Sco quai che l'associaziun da la branscha, Suisseporcs scriva saja il pretsch per kilo portg da maz sa reducì entaifer in'emna da 4,30 francs sin 3,90 francs. Quai munta ch'els survegnan circa 35 francs per portg. Uschia na sajan ils custs betg pli cuverts, scriva l'associaziun. Suisseporcs appellescha als cumpraders da fixar ils pretschs en l'interess da l'entira branscha e da dar vinavant als clients la reducziun da pretschs.
Almain 4,2 francs per kilo
Per che la branscha da charn portg possia puspè sa revegnir stuess il pretsch per kilo cumportar almain 4,20 francs. Quai aveva il vicepresident da Suisseporc, Adrian Schütz gia ditg il fanadur passà. Ils 2015 ha il pretsch dentant mo cuntanschì la marca da 3,45 francs. Ed er quest onn na vesi or bler meglier - il pretsch variescha tranter 3,40 e 4,30 francs per kilo.
Per cumbatter ils pretschs bass avevan ils producents da charn portg decidì l'entschatta dal 2016 da reducir il dumber da producziun.
RR novitads 14:00