Siglir tar il cuntegn

Header

cuntegn

Svizra Chasa Editura Rumantscha: Bleras ediziuns e fitg buna vendita

La Chasa Editura Rumantscha ha fatg l'onn passà bleras ediziuns e vendì blers exemplars. Quai communitgescha la chasa editura en il rapport annual.

La Chasa Editura Rumantscha guarda enavos sin in onn da fatschenta cun tschintg novas ediziuns. Ils associads sajan cuntents cun la cuntinuitad e varietad da las publicaziuns ed activitads da La Chasa Editura Rumantscha.

Ediziuns l'onn 2017

Cun l'ovra da Rut Plouda Sco scha nüglia nu füss/Wie wenn nichts wäre ha la Chasa editura reedì in classicher modern. En ina terza ediziun hai dà las poesias bilinguas da Leta Semadeni In mia vita da vuolp. Dumenic Andry ha preschentà anc avant la stad sias novas poesias en vallader en il cudesch cun il titel Sablun.

Sco proxim ha la Chasa editura edì las istorgias criminalas da Attilio Bivetti L'aungel da Nuot Nes. Als dis da litteratura èn las poesias rumantschas èn vestgì da sinfonic da Mario Pacchioli REMAS sco era ils texts curts da Chatrina Josty Barbacor Herzkater vegnids sin il martgà.

Per ils uffants e giuvenils ha la Chasa editura edì ina veglia paraula populara Lina e Linard en puter e rumantsch grischun.

Edì da nov ha la Chasa Editura:

  • Sablun da Dumenic Andry
  • L’aungel da Nuot Nes d’Attilio Bivetti
  • REMAS da Mario Pacchioli
  • Barbacor Herzkater da Chatrina Josty
  • La paraula engiadinaisa Lina e Linard da Roman Pünchera

Vender han ins pudì 3'650 products. Da quels 48 a moda digitala, vul dir e-books. L'onn avant avevan ins vendì mo 23 e-books.

RR novitads 20:00

Artitgels legids il pli savens