Quant segira è la Chasa federala? Quai è sa dumandà l'Uffizi federal da polizia (fedpol). El recumonda: La Chasa federala duai daventar pli segira. Betg il davos pervi dal privel da terror duai l'entrada dals visitaders davos la Chasa federala vegnir transfurmada. Quest onn han gia 100'000 persunas visità la Chasa federala. Avant diesch onns eran quai anc 60'000.
Las autoritads da segirtad pondereschan era da construir pitgas da segirtad – uschenumnads pollers – tranter la Chasa federala e la Plazza federala. Quai han confermà las autoritads envers Radio SRF.
Ellas suttastritgan dentant che la Chasa federala duaja vinavant restar ina chasa averta per visitaders. I saja in act da ballantscha tranter avertadad e segirtad.
RR novitads 07:00