Siglir tar il cuntegn

Header

cuntegn

Chasa federala Ils adversaris da la lescha da Covid èn sin plazza federala

I laschan sgulatschar bandieras svizras ed ins auda cloms da «Liberté». La polizia tolerescha l'accumulaziun da plirs tozzels persunas. Tenor in pledader da la polizia observian ins la situaziun.

En connex cun la votaziun davart la lescha da Covid-19 ha la polizia bernaisa prendì mesiras da precauziun. Sin la plazza federala ha la polizia montà ina saiv da giatter mobila. Igl è era planisà en il decurs dal di da serrar la Bundesstrasse. La plazza federala era l'avant mezdi anc accessibla. Per ina eventuala serrada da la via d'access èn era gia preparadas pliras saivs da giatter. Quai rapporta l’agentura da novitads Keystone/SDA.

Per l'emprima giada serrada

Adversarias ed adversaris da las mesiras da corona avevan appellà a demonstraziuns la dumengia da votaziun. Las autoritads quintan tenor Chanzlia federala cun in «fitg grond potenzial da mobilisaziun». Tenor il politolog Claude Longchamp è quai l’emprima giada en l’istorgia moderna da la Svizra che la plazza federala vegn serrada pervi da votaziuns. Quai saja in punct bass che fetgia pensiv, scriva el via twitter, quai sin il di 173 onns suenter che Berna è daventà stadi federal.

RTR novitads 12:00

Artitgels legids il pli savens