Siglir tar il cuntegn

Header

Purtret d'ina tgirunza che tegn il pe d'ina pazienta che giascha en letg.
Legenda: Keystone
cuntegn

Chasas d'attempads e Spitex Pertutgads han pajà 682 milliuns ord atgna bursa

Supplementarmain tar las premias, las franschisas e la quota persunala a las cassas da malsauns, han ils pertutgads pajà il 2018 passa 682 milliuns francs ord l'atgna bursa. Quai per la tgira en chasas d'attempads u a chasa entras la Spitex. Quai mussan las cifras da l'Uffizi federal per statistica.

Clientas e clients da la Spitex han pajà il 2018 106 milliuns francs ord l'atgna bursa, quai è in grond augment cumpareglià cun il 2017 (86,7 milliuns francs), numnadamain 22,3% dapli. Questa summa è vegnida pajada supplementarmain tar la summa obligatorica che la cassa da malsauns surpiglia (franschisa e quota persunala). Cun quai è er la finanziaziun entras ils segirads creschida dapi il 2017 per 5,9%.

Per persunas ch'han abità en chasas da tgira n'èn ils custs ch'els han surpiglià sezs betg creschì talmain: Il 2018 han els pajà 575,6 milliuns francs ord l'atgna bursa, congualà cun il 2017 è quai in augment da 1,2%.

90'000 persunas en chasas da tgira – 96'000 plazzas cumplainas

Personen-Box aufklappenPersonen-Box zuklappen

En las 1'566 chasas da tgira e d'attempads en Svizra hai gì la fin dal 2018 passa 90'000 persunas ch'avevan là la dimora a lunga vista. Il medem temp han bunamain 135'000 persunas lavurà en talas chasas. En la media sur l'entir onn, correspunda quai a circa 96'000 plazzas cumplainas.

Dasper quai han ils 2'168 servetschs da la Spitex tractà stgars 370'000 persunas a chasa, scriva l'uffizi.

Dapli custs per gestiun

Il 2018 han las chasas da tgira ed d'attempads chaschunà custs da gestiun da total 10,4 milliuns francs (2,3% dapli ch'il 2017). Las prestaziuns da la Spitex han custà total 2,53 milliuns francs (3% dapli ch'il 2017).

Ord l'archiv da SRF:

Video
Custs da tgira – Ristg da povradad en la vegliadetgna
Or da 10vor10 dals 17.10.2019.
laschar ir

RR novitads 12:00