Per ils onns 2017 fin 2022 ha, UPC il dretg da transmetter directamain ils gieus dal campiunadi da hockey svizzer. Ella domineschia perquai il martgà da quest sectur, scriva la WEKO.
Il concern UPC haja malduvrà questa pussanza. El n’haja fatg nagin’offerta a Swisscom per transmetter hockey live era via Swisscom TV. Perquai sto UPC pajar ussa in chasti da 30 milliuns francs. Cun questa decisiun po UPC anc ir davant il Tribuna administrativ federal.
Swisscom ha avant dominà martgà
Avant ha Swisscom dominà sur onns las transmissiuns da sport. Lura è UPC vegnì en il gieu cun MySports. Il problem han dapi il 2017 lura sur tut ils fans gì. Els ston abunar tant Teleclub sco era MySports sch'els vulan vegnir cumplainamain sin lur custs.
Entant èn UPC e Swisscom sa cunvegnids da far accessibel in a l'auter lur purschidas sportivas.
