Siglir tar il cuntegn

Header

cuntegn

Chasti da maridaglia Retrair l'iniziativa per abolir il chasti è stà lubì

Davart l'iniziativa per abolir il chasti da maridaglia na vegn betg vuschà ina segunda giada. Il Tribunal federal ha refusà dus recurs en chaussa. I na vegn pia betg vuschà ina segunda giada davart l'iniziativa.

Ch'ils iniziants haja retratg l'iniziativa per abolir il chasti da maridaglia, saja stà giuridicamain admissibel, suenter che la votaziun era vegnida annullada l'avrigl dal 2019. A quella conclusiun vegn il Tribunal federal che ha refusà dus recurs en chaussa. Ina iniziativa dal pievel possia vegnir retratga dals iniziants, fin ch'il Cussegl federal haja fixà la votaziun a l'urna. E quai ha il Tribunal federal uss er confermà per il cas ch'il resultat da la votaziun è vegnì annullà.

Il 2016 aveva il suveran ditg Na a l’iniziativa. Perquai che la Confederaziun aveva dentant inditgà faussas cifras, aveva il Tribunal federal decis il 2019 che la votaziun na saja betg valaivla.

Ord l'archiv da Radio SRF:

RTR novitads 14:00

Artitgels legids il pli savens

Scrollar a sanestra Scrollar a dretga