Siglir tar il cuntegn
cuntegn

Svizra Chastià um pervi da commerzi illegal cun medicaments

Swissmedic ha sentenzià in um da 66 onns da la Svizra che ha importà senza permiss 3'000 kg steroids anabols e vendì en l'exteriur medicaments. Il chasti è fixà sin 180'000 francs.

Logo Swissmedic.
Legenda: Swissmedic ha da ad in um che ha importà senza permiss steroids anabols in chasti pecuniar chastia el cun ina multa. (maletg d'archiv). Keystone

Vitiers vegn ina multa da 50'000 francs e l'um sto er surpigliar ils custs da process da passa 33'000 francs. L'um da 66 onns è vegnì sentenzià cundiziunà sin dus onns. La sentenzia è legalmain valaivla.

Svieuta da passa 50 milliuns

Tenor l'Institut svizzer per products terapeutics Swissmedic ha l'um martgadà cun medicaments d'ina valita da passa 50 milliuns francs quai tranter il mars 2012 e l'october 2013. Tenor Swissmedic sa tractava quai da 47 cas da cugliunaria. La firma avess gì da producir medicaments pront per il diever. Il sentenzià n'aveva dentant betg il permiss d'in commerzi cun medicaments en l'exteriur da la Swissmedic. Il sentenzià ha fatg da valair ch'el na saja betg stà conscient ch'el avess gì d'avair in tal permiss. La rauba saja vegnida cumprada senza taglia sin la plivalur e silsuenter era puspè vegnida vendida senza taglia sin la plivalur, quai per pudair spargnar custs. La rauba saja dentant mai stada destinada per la Svizra.

RR novitads 12:00