Siglir tar il cuntegn

Header

Navigaziun

Chaldera da chastognas sur il fieu ed um che maschaida ellas.
Legenda: Sin martgads locals sa chattan ins adina puspè chastognas. Keystone
cuntegn

Svizra Chastogna «Lüina» è la puma da l’onn

«Fructus», l’uniun per la promoziun da sorts da pumas veglias, ha undrà la chastogna Lüina sco sort da puma dal 2019.

Tenor l’uniun «Fructus» vegn la sort Lüina cultivada en il Mesauc ed il Tessin dapi il 13avel tschientaner. Durant tschientaners èn las chastognas stadas fitg impurtantas sco vivonda da basa en il sid da las alps. Per var set tschientaners èn las chastognas stadas fundamentalas per la populaziun champestra per surviver.

Perfetga per cundiziuns extremas

La chastogna Lüina ha influenzà durant onns surtut il maletg dal Tessin. Ella saja stada perfetga per il clima variant da las alps, scriva «Fructus». Ils chastagners creschan tranter 300 e 1000 meters sur mar. Cun quai ch’els n’han nagina concurrenza tras autras plantas da guaud creschan ellas era sin terren magher e stip.

RR novitads 14:00