Siglir tar il cuntegn

Header

cuntegn

Svizra Chatschader en Vallais sajetta per sbagl in luf

En il Vallais ha in chatschader sajettà per sbagl in luf. Suenter ch'il chatschader ha realisà ses sbagl saja el immediat s'annunzià tar la surveglianza da chatscha, quai communitgescha l'Uffizi da chatscha e pestga dal Vallais.

Cunter il chatschader vegn avert ina procedura penala. La schluppetada faussa è capitada durant l'uschènumnada chatscha da lajetg da vulps. Questa chatscha vegn fatga sulet durant la notg ed ils chatschaders na dastgan betg duvrar apparats d'observaziuns per vesair meglier.

Sumegliant cas en il Grischun il 2014

En il Vallais n'hai anc mai dà in tal cas. En Grischun è dentant capità il medem ad in chatschader. Er quel è s'annunzià immediat tar il survegliader da chatscha, suenter ch'el ha percurschì il sbagl. Quella sajettada è capitada en la Tumleastga. Tar quest luf èsi sa tractà d'in luf giuven, masculin.

RR novitads 16:00

Artitgels legids il pli savens