A Lugano ha la polizia chantunala confiscà in purtret da Leonardo da Vinci. Il purtret era en ina chascha da segirezza dad in'administraziun fiduziara a Lugano. Quai communitgeschan la polizia chantunala e la procura publica da Pesaro en l'Italia.
Il purtret saja vegni manà ord pajais da maniera illegala e vegni offert da vender per 95 milliuns euros.
Suenter investigaziuns pervi da fraud fiscal haja la procura publica survegni in tip davart il purtret. Davart il possessur dal purtret na datti naginas infurmaziuns.
