Sin la segirezza aviatica da la Svizra n’ha la controlla dentant nagina influenza sco l’uffizi federal da l’armament ha communitgà. La controlla haja gia cumenzà la mesemna. Fin a qua sajan gia set aviuns vegnids controllads. Nagins hajan mussà tals stgarps. Ils 3 da mars duessan las controllas esser a fin.
L'interpresa d'armament da la Confederaziun, Ruag examinescha parallel las raschuns pussaivlas per il stgarp, quai ensemen cun ils partenaris da discurs. Quai èn la firma Boeing che ha construì l'aviun e la marina dals Stadis Unids.
Sumegliant cas il favrer 2018
Gia l'entschatta favrer 2018 ha l'aviatica militara stuì far il grounden tschintg dals aviuns pervi da stgarps. Quels han dentant gì stgarps vi da las alas e betg vi dal corp. Era lura han ins examinà silsuenter tut ils aviuns sin quests stgarps. L'armada svizra posseda 30 tals aviuns da F/A 18. Tschintg da quels èn aviuns cun sezs dubels.
RR novitads 16:00
