Siglir tar il cuntegn

Header

placat ed activists.
Legenda: Tge è voss plan? Ina dumonda ch'ils activists han era da sa dumandar suenter che la crisa da corona ha mess il focus da la politica sin autras tematicas. Keystone.
cuntegn

Chauma da clima Turna l'unda verda anc ina giada?

Durant la crisa da corona è pauc vegnì rapportà dals giuvens e da las giuvnas che demonstreschan cunter la midada dal clima. En il mument è la politica numnadamain sa focussada sin reparar l'economia. Per midar quai èn ils giuvens puspè ids sin via, tranter auter era a Tavau.

Davart la corifea dals activists da clima Greta Thunberg n’è betg pli bler vegnì rapportà ils davos mais. Ils problems da corona èn stads pli preschents. Pervia dal scumond da demonstrar sco mesira è l’attenziun anc ina giada sa sbassada. Ussa vul la giuventetgna da clima puspè reagir.

Il fieu sto puspè arder

L’organisatur da la chauma a Tavau,Niklas Todt, di ch'ils problems da la crisa sajan stads fitg actuals uschia che la societad è sa focussada sin schliar quels sco emprim. Deplorablamain saja uschia la crisa da clima ida en emblidanza. Quai haja era donnegià il “hype” dals davos onns. El na manegia dentant betg ch’els stoppian anc ina giada entschaiver da nulla. La crisa da corona savess schizunt esser ina schanza.

Ussa sa focusseschia la politica sin reparar l’economia. Ils activists pon gidar da reparar quella. Numnadamain cun bajegiar si ella pli persistent.
Autur: Niklas Todtorganisatur da chauma

La crisa da corona sappia mussar quant spert ch’ina crisa sa sviluppeschia e che quai saja era d’adattar sin la crisa da clima che sappia avair anc pli grondas consequenzas. Per la chauma actuala a Tavau quinta el cun enturn 50 demonstrants.

RTR actualitad 17:00

Artitgels legids il pli savens

Scrollar a sanestra Scrollar a dretga