Siglir tar il cuntegn

Header

Navigaziun

Bleras dunnas fan chauma e tegnan ad aut placats.
Legenda: Impressiun da la chauma a Losanna. Keystone
cuntegn

Chauma da dunnas Plirs tschient millis persunas han fatg chauma

Bunamain en tut las citads e bleras vischnancas pli grondas hai dà ils 14 da zercladur 2019 acziuns e manifestaziuns cun plirs tschient fin milli participantas e participants. Tut en tut quintan las organisaturas che tschientsmillis persunas èn sa participadas – dapliras ch'il 1991.

En l'entira Svizra han dunnas – ed er umens – sa participads a la chauma cun il motto «Paja! Temp! Respect!» e pretendì egualitad tranter um e dunna. Las grondas demonstraziuns hai dà a Turitg, Basilea e Berna. Dunnas pli radicalas en Svizra franzosa han fatg cauma en tozzels da scolas e canortas. Pli gronds incidents n'haja betg dà.

Sco las organisaturas scrivan saja quai stà la «pli gronda demonstraziun politica da l'istorgia giuvna». Ellas stima che dapli dunnas èn sa participadas quest onn a la chauma naziunala cumpareglià cun la chauma il 1991. Lura avevan ins dumbrà in mez milliun participantas e participants.

1'000 a Cuira

A Cuira èn passa 1'000 persunas sa participadas a la chauma. L'entir di hai dà acziuns sin l'Alexanderplatz. Il suentermezdi hai dà l'uschenumnà Frauen-Power-Marsch tras la citad.

RR novitads 06:00